Академијата за Претприемништво и Менаџмент е дел од Фондацијата „Прогресив Академија“  Виница чија визија е развој на вештини преку квалитетни едукативни програми, унапредување на техничките знаења, акцелераторски програми и активности за истражување и развој. Академијата за Претприемништво и Менаџмент има за цел да овозможи личен и професионален развој на менаџери и бизнис лидери преку користење на најновите светски трендови и знаења од областа на менаџментот. Академијата е првата сертифицирана програма за претприемништво и менаџмент во Македонија со решение за верификација број УП1бр.10-55 издадено од Центар за образовние на возрасни на 22.07.2021 година. 

Академијата започнува со упис на кандидати во 2021 година. Од тогаш повеќе од 40 кандидати ја комплетираа програмата и се стекнаа со јавна исправа издадена од МОН. Погледнете ја листата на АЛУМНИ на овој ЛИНК

ЗА КОГО Е НАМЕНЕТА ПРОГРАМАТА

• Сопственици на компании кои сакаат да го развијат својот бизнис
• Втора генерација наследници кои треба да го превземат бизнисот
• Менаџмент на мали, средни и големи компании, во домашна или странска сопственост
• Инженери и технички лица на менаџерски позиции и на кои им се потребни нови алатки и вештини од областа на менаџментот 
• Поединци коои сакаат да ги надоградат своите знаења
• Стартап фирми и млади талентирани луѓе кои сакаат да се развиваат професионално

КОИ ТЕМИ СЕ ИЗУЧУВААТ

Наставната програма се состои од шест модули кои ги покриваат сите сегменти на управувањето со комапниите и со кои учесниците ќе ги развијат своите вештини и компетенции за водење на бизнис. Дел од темите кои се изучуваат се:

• развој на бизнис стратегија
• управување со семејни компании
• ефикасни бизнис процеси
• анализа на финансиски извештаи
• бизнис планирање
• организациска трансформација
• корпоративни иновации
• вештачка интелегенција
• маркетинг и продажби
• управување со таленти, менторинг и коучинг
• ефикасни деловни комуникации
• развој на лидерски вештини

КАКВИ ВЕШТИНИ ЌЕ СТЕКНЕТЕ

Со оваа обука учесниците ќе се стекнат со алатки за управување со бизнис процесите, управување со луѓе и користење на најновите технологии за развој на бизнисот. Учесниците ќе развијат меки и когнитивни вештини за логично и креативно размислување со цел зајакнување на нивниот менаџерски и лидерски авторитет, отвореност кон нови идеи и развој на иновации, како и развој на својот личен и професионален интегритет. Програмата дава уникатна можност за вмрежување со менаџери од други компании и индустрии, со што при активна дискусија и размена на идеи, дополнително се збогатуваат знаењата на учесниците.