Академијата за Извршни Менаџери е дел од Фондацијата „Прогресив Академија“  Виница чија визија е развој на вештини преку квалитетни едукативни програми, унапредување на техничките знаења, акцелераторски програми и активности за истражување и развој. Академијата за Извршни Менаџери има за цел да овозможи развој на бизнис лидери преку користење на најновите светски трендови и знаења од областа на менаџментот. Потребата од едукација на менаџери за домашните и странските компании во Македонија е евидентна. За таа цел создадовме уникатна програма со врвни предавачи, интерактивни предавања, симулации, алатки за личен развој и наставни модули според последните светски трендови неопходни за водење бизнис на глобално ниво. 

Оваа Академија е првата сертифицирана програма за Извршни Менаџери во Македонија. Секој од кандидатите кој успешно ќе ја заврши програмата ќе се стекне со сертификат, кој ќе биде верифициран од МОН. Наставната програма се состои од 8 модули кои ги покриваат сите сегменти на бизнис менаџмент и со кои постојните и идните претприемачи и менаџери ќе ги развијат своите вештини, знаења и компетенции за водење на бизнис во сите негови сегменти –  бизнис стратегии, бизнис планирање, менаџмент на промени, финансии, оперативен менаџмент, иновации и технолошки развој, маркетинг и продажби, менаџмент на човечки ресурси и лидерство базирано на вредности.

Академијата за Извршни Менаџери ќе биде отворена за сите компании во Македонија, мали, средни и големи бизниси, семејни компании, старт ап фирми, студенти, како и поединци кои сакаат да ги надоградат своите знаења. Со оваа обука учесниците ќе се стекнат со меки вештини и когнитивни вештини за логично, интуитивно и креативно размислување како и со зајакнување на нивниот авторитет, ориентираност кон креативно размислување и развој на иновации, развој на нивниот професионален интегритет и ориентација кон развој на нови идеи и процеси кои се напредни во контекст на нивната работа.

Нашата визија е развој на менаџерски капацитети и градење на идни лидери преку програма која ги следи најновите светски трендови, со што ќе дадеме свој придонес во развој на бизнис секторот во Македонија. ПРИКЛУЧЕТЕ НИ СЕ!