ИНСТРУКТОРИ
ФРОСИНА МЕШКОВА
Фросина Мешкова е технолошки инженер, магистер по деловна администрација, со кариера од 18 години во приватниот сектор на неколку раководни позиции во меѓународни компании во секторот за храна и технологија. Таа има основано две стартап компании засновани на нови иновации. Фросина е водечки технички експерт за спроведување на техничките обуки на Макпрогрес како дел од Академијата Винчини, која ги вклучува следниве одговорности: обука на обучувачи, развој на наставна програма и спроведување на програмата. Таа исто така работи како консултант за управување со снабдувачки синџири специјализиран за производствени компании.
НАТАША ИВАНОВСКА И БИЛЈАНА ВЕЛЕВСКА
Наташа Ивановска – Сертифициран обучувач, бизнис коуч, консултант за човечки ресурси и маркетинг
Повеќе од дваесет години искуство на менаџерски позиции во компании специјализирани за човечки ресурси и развој на кадар, маркетинг и односи со јавност. Формално образование на Технолошкиот факултет во Скопје и постдипломски студии на Sheffield University – City College of Thessaloniki. Работни посети на Arizona State University (ASU) во Феникс, САД и деловни посети на компании и организации во Лос Анџелес и Лас Вегас. Од 2012, Ивановска има престижна специјализација за коучинг на програмата “Art and Science of Coaching” (TASC) при Ericson Coaching College од Торонто, Канада, која поседува „Златен Стандард“ при Меѓународната коучинг федерација (ICF). Има државен сертификат за обучувач на возрасни и за обучувач на обучувачи за возрасни. Има големо искуство во организациски развој на компании преку воспоставување процеси и системи за работа со човечкиот капитал за постигнување на бизнис целите и овозможување одржлив развој.
Биљана Велевска – Сертифициран обучувач, консултант за деловен развој и човечки ресурси
Биљана Велевска е магистар по Европски менаџмент на Europa Institute во Германија. Поседува сертификат за SDI (Strengths Development Inventory) фасилитатор ниво II, и обучува SDI фасилитатори. Сертифициран меѓународен фасилитатор за кариерен развој (Global Career Development Facilitator) и Неуролингвистички практичар (NLP Practitioner). Има државен сертификат за обучувач на возрасни и за обучувач на обучувачи за возрасни. Основач е и член на Управен одбор на Асоцијацијата на советници за кариера (АСК)..Биљана Велевска раководи со компанијата Самеримпекс Импулси од 2000 година. Дејноста е консултанство од областа на менаџментот, организацискиот развој, управувањето со човечки ресурси и развој на кадарот.
Виктор Митревски
Виктор Митревски има страст во градење, скалирање на менторски тимови на инженери и доставување технички решенија што им носат вредност на корисниците. Тој има над 15 години искуство во ИТ индустријата, работи како Менаџер за инженерство, Технички советник и Извршен директор на две технолошки компании кои обезбедија технички услуги за многу клиенти низ целиот свет. Тој има искуство во управување со 150 вработени дистрибуирани во неколку различни земји. Виктор е магистер по софтверско инженерство и неколку деловни и менаџерски обуки.
АЦО ЃОРЃИЕВСКИ
Ацо Ѓорѓиевски е сениор експерт и професионалец со повеќе од 23 г. успешна деловна кариера, проткаена со исклучителни резултати и успеси на меѓународно и домашно ниво. Има стекнато врвна експертиза и вредни искуства како дел од компанијата Nestle, каде има поминато успешни 15 години. Во 2006 год. Ацо го има воспоставено Nestle Professional – за прв пат како посебна категорија на пазарите во Македонија и Косово. Во 2012 г. бил промовиран во Извршен директор за Nestle Professional за целиот Адриатик регион каде успешно раководел и постигнал врвни резултати, се до крајот на 2020 год. Во истиот тој период, Ацо бил и член на Управниот одбор на Директори на Nestle Adriatic. Неговото меѓународно искуство, компетенции и експертиза, денес се релевантни во повеќе области на експертските и консултански услуги: продажба и маркетинг; интернационализација и меѓународна трговија; корпоративен и стратешки менаџмент; лидерство и развој на лидери и тимови итн.
ВЛАДИМИР ПЕТКОВСКИ
Владимир Петковски е вонреден професор на Економскиот Институт при Универзитетот „Св. Кирил и Методиј“ во Скопје, на предметите од бласта на Економија на развој, како и предметите Менаџерска економија, Применета економија, Дигитална економија, Зелена економија, Социјална економија и Бизнис планирање. Коавтор е на прирачникот “Бизнис план – патоказ кон успехот„. Во текот на својот работен однос Владимир бил обучувач и предавач на повеќе работлници, како во државата така и во странство, меѓу кои наистакнати обуки му се на Економскиот факултет – Сараево, Економски институт – Загреб, Институт за економски науки – Белград, Институт за Економски истражувања – Љубљана. Исто така предавач е и на значаен број проекти на Еразмус и тоа во Алкараз – Албасете, во Кипар, Тирана и Драч – Албанија, во Солун – Грвија, во Прага – Чешка…
Билјана Марковиќ Стаменова
Kо-основач и директор на консултантската компанија PrimePoint Partners која е вклучена во целосна имплементација на формирање на Прогресив Академија и сите едукативни програми во склоп на Академијата. Билјана, преку работата на извршни позиции во невладини организации, консултантски проекти и менторски ангажмани, има стекнато големо искуство во поддршка на растот на компаниите преку трансфер на знаење, градење лидерски и менаџерски капацитети, бизнис планирање, пристап до финансирање и интернационализација.