ВИНЧИНИ РАЗВОЕН ЦЕНТАР
Главна намена и цел на Центарот за развој
Макпрогрес доо Виница кон крајот на 2019 година одлучи да инвестира во нов развоен центар каде што би можеле да развиеме нови производи и решенија со нашите вработени, бизнис партнери, добавувачи, академија и старт- ап компаниите и младите како би одговориле на предизвиците на создавање на квалитетни производи и решенија воедно земајки ги во предвид климатските промени и на одржливоста во прехрамбениот ланец.
- Истражување и развој на прехрамбените технологии со посебен осврт на пекарската и кондиторската индустрија,
- Технолошко следење и аналитика,
- Развој на нови производи,
- Анализа на постоечки и нови суровини,
- Тест проби со процесна опрема.
- Скратено време од идеја до лансирање на пазар на нови производи.
Витален елемент на новиот институт за развој е нашата модерна Р&Д лабораторија. Идеите од клиентите и прототиповите се тестираат во овој центар каде можат да се доусовршуваат се до подготвеност за редовно производство на производна линија.
Во оваа лабораторија технолозите истражувачи континуирано се трудат да развијат нови производи, подобрени рецептури, нови сировини како би одговориле на потребите на клиентите и на пазарот.
Р&Д лабораторијата ќе биде опремена целосно за тестирање и развој на нови прехрамбени производи специјализирано во делот на сите типови на вафли, бисквити, колачи, чоколадо и чоколадни кремови и полнежи.